حکومت پنجاب کی جانب سے محکمہ تعلیم نے گجرخان کوٹلی ستیاں مری ٹیکسلا میں خصوصی شکایتی سیل قائم کرنے کا اعلان کیا ہے اگر کوئی سکول سوموار کے دن کھلنے کی کوشش کرے تو شہری فوری اطلاع دیں
صوبائی حکومت نے اعلان کیا تھا کہ تمام پرائیویٹ اور سرکاری سکول میں گرمیوں کی چھٹیوں میں اضافہ کر دیا گیا ہے اپ یہ تعطیلات 31 اگست تک بڑھا دی گئی ہیں سرکاری اور پرائیویٹ سکول ادارے اب یکم ستمبر سے دوبارہ کھلیں گے
محکمہ تعلیم کی جانب سے ایک نوٹیفکیشن جاری کیا گیا جس میں ضلعی تعلیمی حکام کو سختی سے ہدایت کی گئی ہیں کہ شیڈول کو عملی جامہ پہنایا جائے اصل وجہ 31 اگست تک سکول بند رکھنے کی وجہ شدید گرمی اور حراب موسمی حالات ہیں
یہ موجودہ سیزن میں تعلیمی کیلنڈر میں ہونے والی دوسری بڑی تبدیلی ہے۔ والدین اور طلبہ کو نئے اوقات کار سے باخبر رہنے کی ہدایت کی گئی ہے، جبکہ اسکول انتظامیہ کو تدریسی منصوبوں میں مناسب ردوبدل کرنے کا کہا گیا ہے۔
راولپنڈی تعلیمی اتھارٹی کے سربراہ طارق محمود کے مطابق پنجاب حکومت کے احکامات پر عمل درآمد کے لیے خصوصی ٹیمیں تشکیل دی گئی ہیں۔ ان کا کہنا تھا کہ اگر کوئی اسکول طے شدہ تاریخ سے پہلے کھولا گیا تو اسے فوراً سیل کر دیا جائے گا اور انتظامیہ پر بھاری جرمانہ عائد کیا جائے گا۔
ان کے مطابق چھٹیوں میں توسیع کا فیصلہ حکومت نے ہیٹ ویو اور وسطی و جنوبی پنجاب میں بڑھتے درجہ حرارت، جبکہ شمالی حصوں میں غیر موزوں موسم کے باعث کیا ہے۔
دوسری جانب آل پاکستان پرائیویٹ اسکولز مینجمنٹ ایسوسی ایشن (نارتھ پنجاب) کے صدر ابرار احمد خان نے اس فیصلے کو غیر مناسب اور غیر ضروری قرار دیتے ہوئے مطالبہ کیا ہے کہ اسے فوری طور پر واپس لیا جائے۔
